The Modern Poets Presents

Tamasha | Doosari Duniya ka

A Theatrical Storytelling Show

“Khabar aayi hai…” Ek udaan tashtari is duniya me dekhi gayi hai. Kaha ja raha hai ki usme se kuch log utare hain – lekin wapas nahi gaye.

 Logon ke beech thoda dar hai… par asli sawaal abhi bhi wahi hai – “Woh log kya kahenge?”

Ye woh log hain jo Doosari Duniya se aaye hain – Doosari duniya ka Artist / Influencer Doosari duniya ka Scientist Doosari duniya ka Lover Doosari duniya ka God Doosari duniya ka Devil

Inki kahaniyan is duniya ke qanoon, riwaazon aur jazbaaton se thodi alag hain. Unke dard alag, unke tareeke alag, unke sapne alag. Aur sabse khaas baat – unhe yahan bheja nahi gaya, Woh apni marzi se aaye hain… sirf apni kahaniyan sunane.

Iss baar The Modern Poets lekar aa rahe hain apni khaas peshkash –

Tamasha | Doosari Duniya ka

Ek theatrical storytelling show, jisme kahaniyan sirf boli nahi jaayengi, balki jee jaayengi.

Aur khaas baat ye hai ki ye show Delhi ka ek superhit Tamasha raha hai, jo kai saalon baad phir se wapas aa raha hai.

Kahaniyan sunayenge – Kahanibaaz | Anshul Joshi | Alif Bashir | Smriti | Rehbir

Aaiye aur dekhiye, suniye, mehsoos kijiye – Doosari Duniya ka Tamasha.